15.7.10

الثلاثة يشتغلونها

فيلم خفيف وفكرته ذكية وإن كانت قريبة من فكرة رامي الاعتصامي، ربما عابه التمادي في بعض المواقف الكوميدية لدرجة الركاكة أو السذاجة، خاصة في نقل المدرسة الشابة لمنهج الأنماط الثلاثة التي التقت بها لأطفال المدرسة، اليساري المزيف والداعية الانتهازي، والشاب الرقيع، فالرمز كان شديد المباشرة والتسطيح، طبيعة السيناريو والحوار يجعلك تجزم أن الفكرة أمريكية، وهي بالفعل كذلك، لكن ما أزعجني هو الرسالة السياسية السلبية التي حملها الفيلم، ممثلة في
  1. السخرية من شباب 6 أبريل في صورة جماعة 6 فبراير والحديث الساخر عن اليوم الذي سيغير التاريخ، وفي هذا تسفيه لأفضل ظاهرة سياسية مصرية معاصرة بعد حركة كفاية
  2. تسفيه المظاهرات، والتيارات المطالبة بالتغيير، وكان أوقحها اللافتات التي رفعها الأطفال مكتوب عليها "عاوز بيزا" و "عاوز مصاصة" وما إلى ذلك من مشاهد مقصودة توحي بلا جدوى المظاهرات وأساليب الاحتجاج السلمي


3 comments:

Dr. Eyad Harfoush said...

Marwa Sakr
‫جميل خالص انا المرة دى متفقة معاك بكل جوارحى‬
Yesterday at 2:05am

Nahla Eldakadosi
‫متهيالي يا اياد الكاتب عايز يقول كله كدب ويقول للشباب خليك في حالك وزاكر وبس بس الحاجة الوحيدة الكويسة انه حط الامل في التعليم والجيل الجديد انه لازم يفهم قبل ما يقرر يتبع مين واعتقد ان سلبيات الفيلم ناتجة عن عدم عمق الكاتب هو فكرة لم تستغل جيدا‬
Yesterday at 2:22am ·

Eyad Harfoush
Eyad Harfoush
‫يشرفني يا استاذة مروة، تحياتي واهلا بك‬
Yesterday at 3:32am ·

Eyad Harfoush
Eyad Harfoush
‫معاكي يا نهلة، بس هل ده اللي الشباب محتاجه؟ الولاد بيشوفوا كل يوم نماذج مزيفة من دعاة ليسار ليمين لكل لون، اللي هم محتاجينه في ظني من الفن انه يوريهم النموذج اللي موجود فعلا ما بينا بس مش ظاهر اعلاميا علشان مابيفرقعش، يوريهم الناس اللي عاشت وماتت مناضلة، الناس اللي كانوا دعاة بحجم محمد الغزالي، وهكذا
تحياتي وشكري ‬
Yesterday at 3:35am ·

Dr. Eyad Harfoush said...

Maha El-badry
‫بصراحة...فيلم في منتهى السطحية والهطل السينمائي...لا تمثيل ولا اخراج ولا قصة ولا سيناريو ولا اي حاجة خالص...ضياع مطلق لخمسة وعشرين جنية كان ممكن اكل بيهم بدل الهبل الي قعدت اشوفه ساعتين ده..بتفكرني بحاجات يوسف معاطي كده...الي تشم من بعييييييييييييييييييييد قوي ان احتمال يكون الكاتب فكر في فكرة كويسة...فقط لتكتشف انه تاه في النص وطلعت فكرة اي كلام..‬... See More‫ياسمين عبدالعزيز في اسوأ ادوارها على الإطلاق..برغم اني مقتنعة انها من الناس الي لو لبست خيش هتبقى قمر..ولو عملوها خنفسة هتفضل برضه زي القمر...بس المرة دي اوفر اوفر يعني...حركة خنقتونا...الي هي المفروض كفاية...والفجاجة المبالغ فيها في الكلام عن اليسار...كإنه مجموعة من الناس الفاضية الي مقضياها قهاوي...هو صحيح اليسار فاضي ومقضيها قهاوي...لكن الي يعيش حياته قادر ياكل احسن اكل..وقارف نفسه بقى ليل ونهار على الي مش لاقي لقمة..ما يبقاش عميل...من الأخر...انا متفقة مع كل نقدك السلبي للفيلم..ورافضة اي كلمة ايجابية ليه...

بس سؤال عالماشي كده...مال اجلي بيتي بالموضوع؟؟‬
Yesterday at 6:48am

Eyad Harfoush
‫عزيزتي مها
مش مختلفين ما عدا نقطة ان اليسار فاضي ومقضيها قهاوي، اليسار المصري منه قمم زي عبد الوهاب المسيري وشاهندة مقلد وأسامة أنور عكاشة ويسري الجندي وحمدي قنديل وعلاء الأسواني، وغيرهم كتير، صعب تلاقي تيار آخر فيه حجم وعدد الأسماء الموجودة في اليسار بكل درجاته

النموذج المشوه اللي عرضوه في الفيلم موجود طبعا زي ما هو موجود في كل التيارات، بس مش ممثل لليسار بأي درجة
‬... See More
الكاركتر بتاع ياسمين عبد العزيز منقول من آجلي بيتي، من تسريحة الشعر للملابس لجهاز التقويم للنضارة
تحياتي وتقديري
18 hours ago ·

Maha El-badry
‫دكتور اياد...ماهو ده بالظبط كلامي...هما صوروا اليسار ناس فاضية مقضياها قهاوي....مع ان الواقع مش كده..وان اليسار تيار شغال وطافح الكوته عشان الشعب...لكن تيمة القهاوي تيمة يسارية تماما...مرتبطة ارتباط شرطي باليسار. لكن ما كانش قصدي ابدا انه اقلل من شأن اليسار...كمان بصراحة من الحاجات الي حرقت دمي..نموذج عمرو خالد ومصطفى حسني...فج الى درجة السماجة....‬... See More‫خاصة انهم لما يطلعوا حد دخل في طور التطرف عشان بيسمع عمرو خالد يبقى بيهرجوا بقى..امال الي بيسمعوا ابو اسحق الحويني هيعملوا ايه؟؟؟؟؟؟؟

أنا مؤمنة تماما ان عمرو خالد ظاهرة...لابد ان تدرس وتحلل جيدا ومهما اختلفنا او اتفقنا عليه فهو شخص اثر في جيل كامل تأثير إيجابي لأول مرة...وساهم على خلق نوع من الترابط بين الشباب والمساجد...انا بتكلم عن فكرة عمرو خالد كخطيب كنت بحضرلة في الدامع قبل ما يروح الفضائيات...فبصراحة اتغظت من النوذج الإسلامي ده‬
18 hours ago ·

Eyad Harfoush
‫ماحسيتش انهم يقصدوا عمرو خالد يا مها، أنا بصراحة خدتها على خالد الجندي، نموذج الأفاق فكرني بيه :) لكن مين مصطفى حسني ده؟؟؟؟

يمكن انت بحكم الجيل مالحقتيش العصر الذهبي للقهاوي يا مها اللي انا لحقته في طفولتي، قهوة الموظفين وقهوة المثقفين وقهوة التجار وقهوة المعلمين والصنايعية والعمال، النوادي حلت محلها في الحياة الاجتماعية المصرية تدريجيا

أنا أحترم‬... See More مبادرات عمرو خالد الاجتماعية والخيرية، لكن كخطيب يمكن مشكلتي معاه تظل أنه لا يضيف لي شيئا اطلاقا، فباشوف طريقته فيها تبسيط مخل لو جاز التعبير، لكن ده ميخيهوش طبعا النموذج بتاع الفيلم ده

عندك حق ان النماذج مستفزة وسلبية لدرجة تسطيح كل الظواهر
15 hours ago ·

Dr. Eyad Harfoush said...

Nermeen El-Bahtyty
‫نعم عزيزى اياد انا شخصيا كانت لى تجربه ولقاء مع الاتنين خالد الجندى افاق بكل المقاييس ويغفر لنا الله ويغفر له ما نعيب ماهو فيه بالفعل اما عمرو خالد فهو فقط الانتشار اصبح شاغلا له والافكار التى يريد تفعيلها اكثر مما يجب وسريعه بدرجة غير متقنه كما انه لا يستطيع تركيز افكارة وقدراته فى جانب واحد اما مصطفى حسنى فهو شاب مثابر بسيط يشرح الدين دون غلظه ول‬... See More‫كنه ما زال ضعيفا ربما داعيا على نظام الشباب الجدد ولكنه ع اى حال استطاع ان يحدد اهدافه ويبسط قوله ويبتعد عن المبالغه والفتاوى
الفيلم بصفه عامه بسيط وغير محكم الصياغه وبعض المشاهد بهاضعف شديد ولكن قل لى ماهو الشئ الاصيل محكم الصياغه هذة الايام عزيزى ؟؟؟
انصحك برؤيه بنتين من مصر هتستمتع بيه فعلا فيلم جيد و مصر فيه تكشف عورتها ووجعها !! ‬
11 hours ago ·

11 hours ago · LikeUnlike ·
Eyad Harfoush
Eyad Harfoush
‫عزيزتي نرمين
شكرا للمشاركة والتوضيح

ان شاء الله اشوفه اول ما اجد الوقت والفرصة
تحياتي وتقديري‬
11 hours ago ·

Mohamed Ismail Hafez
‫الأخت الأستاذة نيرمين : إسمحي لي أن أختلف معك حول رؤيتك للشيخ خالد الجندي ..الحقيقة أنني أراه رجلا عالما ومستنيرا ..ويكفي أن تتابعي قناة أزهري لتري الدين الإسلامي بمنظور مختلف عن فقه البادية ويكفيه أنه يحارب الأفكار الوهابية الظلامية..عموما أحترم بالقطع وجهة نظرك وإن كنت أتحفظ على وصفه بالأفاق..تقبلي خالص تحياتي‬
9 hours ago ·

Eyad Harfoush
‫عزيزي دكتور محمد
يمكن هختلف معاك في دي لاول مرة
نموذج العالم الازهري عندي هو محمد عبده ومحمد الغزالي ، هؤلاء هم من اراهم مستنيرون، اما خالد الجندي فهو تنويعة من تنويعات مشايخ الفضائيات، وما يطلبه المستمعون، مع احترامي لرايك وفهمي لمقارنتك اياه بالوهايين والذين تراه بجوارهم مستنيرا
تحياتي وتقديري‬

Ashraf Shawky
‫هو في في الدنيا زى شيوخ الازهر العظام ايام الزمن الجميل فالشيخ الغزالي ومحمد عبدو وخاصة فكر الغزالي بالتحديد ياليت شيوخ الفضائيات يتعظون بمنهجة الحر فهو مؤسس الفكر المستنير ولا ابالغ ان قلت الفكر العلمانني ...ولكن الفهم لمن يفهم ولمن يقرأ ويريد أن يستنير ..وشكرا‬
3 hours ago ·

Eyad Harfoush
‫أشكرك استاذ اشرف شوقي على المشاركة وأتفق معك تماما
تحياتي وتقديري وشكري‬
2 hours ago ·