25.1.10

كلام قبيح

اللي نعرفه احسن من اللي مانعرفوش، اللي سرق وشبع أحسن من واحد جديد لسه هيسرق، وماله الجدع؟ ده حتى هيبقى شارب الصنعة من أبوه، الآراء دي تخرج من نطاق حرية الرأي لنطاق الكلام القبيح، لأنها لا يرد على قائلها إلا بكلام قبيح جدا ويعاقب عليه القانون

4 comments:

على باب الله said...

مبروك يا عريسنا
يا أبو شنة ورنة
يا واخدنا وراثة
أطلب وإتمنى

وأخرج من جنة
أدخل على جنة

مش فارقة معانا
ولا هارية بدنا
ولا تاعبة قلوبنا
ولا فاقعة بيضاننا

يا عريس الدولة
إفرح وإتهنى

ما احناش كارهينك
لكن هارشينك
حا تكمل دينك
وتطلع ديننا

( أحمد فؤاد نجم (

Anonymous said...

و الله يا اياد الناس لازم تفهم الكلام ده كويس
و تبطل السلبيه اللي هما فيها
عشان نتغير لازم نكون عايزيين نتغير الاول و كل واحد يبدأ بنفسه و يحاول يغير
و عجبي
احمد الصواف

Dr. Eyad Harfoush said...

يا أبوحميد ممكن نبدأ بنفسنا في مكان عملنا ومع ولادنا دايما، بس المجتمع لما يكون بالغبا ده بيشكل ظرف ضاغط على اعصابك دايما
تحياتي يا صديقي

Dr. Eyad Harfoush said...

عزيزي على باب الله
ربنا يخليلنا أبو النجوم، سمعتها في وقتها وعلقت معايا ييجي شهرين
تحياتي وتقديري