13.2.09

صوت الجماهير وصرير الصراصير

ماذا قالت الجماهير عن زعيمها؟

أزعجت صور "جمال عبد الناصر" جبب البترول ومشايخ الأمريكان عندما رفعتها الجماهير العربية في كل الأقطار خلال أزمة غزة، وقد تناولنا ما قاله "المناصير" في ذلك في بوست سابق، وهنا نردد على أسماعهم ما قالته الجماهير من هتافات للزعيم في حياته وبعد موته، نكاية في الصراصير والمناصير وقوادي المواخير في عالمنا العربي، فتعلموا يا أنصاف الرجال كيف تخلد الجماهير بكل الحب من أحبها

الوداع يا جمال .. يا حبيب المــــــــلايين
ثورتك ثورة كفاح .. عشتها طوال السنين
انت عايش فى قلوبنا .. يا جمال الملايين
انت ثورة انت جمرة .. لاجل كل الشقيانين
يا فقير يا بن الفقير.. انت أب لكل الكادحين
***
أنور أنور يا سادات .. إحنا اخترنا جمال بالذات
***
مكتوب على قلوبنا .. عبد الناصر محبوبنا
مكتوب على ادينا .. عبد الناصر فـي عنينا
***
يا خالد قول لأبوك .. ميت مليون عربي بيبكوك
***
لا رجعية ولا استعمار .. عبد الناصر شعلة نار
***
نتقدم بكفاح ونضال .. يسقط أى كلام يتقال .. بعد كلام شعبك يا جمال
***
أما عن الزعيم الذي تغنى به الألاضيش والدلاديل وكرهته الجماهير، فقال الشعب في هتافه ضده في مناسبات مختلفة، يوم كان للشعب صوت قبل تكميمه
راح الصعيدي وجه المنوفي .. وبكرة يا مصر ياما هتشوفي
***
هو بيلبس آخر موضة واحنا بنسكن عشرة ف أوضة
***
هو بياكل حمام وكباب واحنا الفول دوبنا وداب
***
يا سادات يا سادات .. عبد الناصر فاتنا ومات
***
قوم يا وحش .. شوف الجحش بيعمل إيه
***
جه وقالنا ماشي ع الخط .. وأما سهينا عنه عط
***
مش كفاية لبسنا الخيش؟ جايين تاخدوا رغيف العيش؟
***
حكم "ديان" ولا حكم جيهان .. حكم "ديان" ولا حكم جيهان
***
بص وشوف المسخرة .. لما حكمنا جوز المرة

No comments: