ذكرني حوار بسهولة النصب على هذا الشعب الذي رقص لكل قرد في دولته، تذكرت أغنية الشيخ إمام من كلمات عمنا أحمد فؤاد نجم اللي قال فيها
احنا معاك .. احنا معاك
ريسنا يا أنور
إحنا معاك .. احنا معاك
تخرب تعمر
***
إحنا معاك يا ابو لمعه يا قمعه
يلي خربت بلدنا ف جمعه
إحنا معاك مهما تغلبنا
نجري وراك ونبيع مبادئنا
احنا معاك .. احنا معاك
***
إحنا معاك يا بايع أراضينا
يلي سايب أعدائنا ف سينا
بكره يا ريس بكره تخلي
الاستعمار يتحكم فينا
احنا معاك .. احنا معاك
***
إحنا معاك يا بطل مغوار
شوفنا الست ف خط النار
بكره الحلوه تقابل وزرا
وانت يا ريس تعمل زار
احنا معاك .. احنا معاك
***
إحنا معاك يا طابخ ف الأنجر
رز بكاري وسلطة بنجر
عامللي نفسك ولا بيكاديللي
وانت منفذ أمر كسينجر
احنا معاك .. احنا معاك
وهنا تسمعها بصوت الشيخ إمام رحمه الله :
http://www.youtube.com/watch?v=nNkm4o_DRAA
2 comments:
هو ده اللى إحنا فالحين فيه منذ قديم الأزل ، ناس تطبل وتزمر للنظام وناس تندب وتلطم وتألف أغانى
ناس تهاجر وتسيب المركب تغرق باللى فيها وناس تروح للحشيش والمخدرات علشان تنسى
طب حد فكر يعمل حاجة ولا يصلح حاجة ؟؟؟
الكل منتظر المهدى المنتظر والمخلص المفدى والبطل المغوار وأبو زيد الهلالى
ولكن حد أخد خطوة ...أبدا
حد صلح مكان عمله ولا أضاف حاجة للشارع اللى عايش فيه ولا حتى صلح نفسه ؟؟؟
بس عماليين نندب منذ سقوط دولة الفراعنة وحتى الآن
حاجة تزهئ ....إنت مزهقتش من الأغانى اللى عاملة زى مواويل الصبر والندب دى يادكتور؟
عزيزي الغير معرف
لأ لأن الأغنية دي ومثيلاتها للشيخ إمام لم تقال بعد موت السادات ولكن في حياته وحياة السيدة الاولى التي كانت، وسمعتها جيهان بأذنيها من تسجيل سربه للأمن أحد الخونة ممن كانوا يحضرون ليالي خوش قدم، كانت أغاني إمام ونجم تغنى في الجامعات وسط المظاهرات حين كانت مصر بلد وكان المصريون شعبا، كانت كمنشورات الرفض يا عزيزي
وإنما أكره من يمجدون الحاكم حيا ويلعنوه ميتا كأنيس منصور وغيره من المتسلقين
تحياتي وتقديري
Post a Comment