29.12.09

كلام جرايد-01


الأهرام: 29/12/2009
مبارك يعلن أخبارا سـارة لأهـالي بورسـعيد: الخبر اللي نفسي أسمعه مش ممكن فخامة الرئيس يعلنه بنفسه

اشتباكات بين المعارضة الإيرانية والأمن: المعارضة .. آه .. فاكرها .. كان عندنا واحدة بس بنت الإيه اتجوزت الحكومة في السر وبعدين هربت معاها في العلن

الشوري يوافق علي قانون نقل الأعضاء: يا سلام .. ألف نهار أبيض، أخيرا بقينا دولة متطورة زي السعودية اللي بتنقل أعضاء من التسعينات؟

الأهرام: 30/12/2009

مبارك يطالب نتنياهو برفع الحصار عن غزة: لا والله؟ وحياة السد الواطي اللي شغالين فيه ع الحدود؟ عموما كان فيه زمان مثل بيقول، إتلم تنتون على تنتن، واحد "نتن" والتاني أنتن

صفوت الشريف: حدود مصر جزء من سيادتها: بجد؟ يعني السيادة ع الحدود مازالت موجودة بعد معاهدة العار يا سيد صفوت؟ تقدر إنت أو أي حد في حكومتك توقف اسرائيلي ع الحدود دي وتمنع دخوله سينا لحد شرم الشيخ بهويته الاسرائيلية من غير حتى ما يحتاج باسبور؟

أمين عام الأمم المتحدة "بان كي مون" يؤيد الجدار لمنع تهريب السلاح: تصدق لو بوكيمون الشخصية الكرتونية اللي بيلعبوا بيها العيال كان بقى أنضف

10 comments:

Anonymous said...

helwa ya doctorna :)

Anonymous said...

عزيزى المواطن
إذا كنت مصاباً بالسكر أو ضغط الدم أو أمراض القلب فأرجوا منك خوفاً على صحتك ومستقبل أولادك لا تقرأ الصحف القومية
وإن كنت لست مصاباً وقلبك جامد حديييييييد وصحتك زى الفل ومعندكش حد تخاف عليه فى المستقبل أو بتفكر فى الأنتحار أو تنهى حياتك بأى شكل أتفضل بتاع الجرايد موجود
الناس دى فى وادى والدنيا كلها فى وادى تانى
هما بيشوفوا ونظرهم زى الفل وأحنا عمى ما بنشوفش
إن لم تستحى فأفعل ما شئت
وحسبنا الله ونعم الوكيل

Unknown said...

هو خلاص مبقاش فية خبر سعيد

المهم حضرتك عامل اية

dr_zoazoa said...

هوه مش ممكن يكون الجدار الفولازى ده شيىء لمصلحت مصر بس السياسيين المصريين كعادتهم- مخبيين علينا الاسباب الحقيقيه لبناءه
انا بقلك كده عشان انا سمعت لقاء عمادالدين اديب مع الست منى الشاذلى والراجل قال اسباب لو كان اى حلوف من الساسه بتوع الحكومه قالها للناس من بدرى كان ممكن نقدر شويه هما ليه بيعملوا الجدار ده

Dr. Eyad Harfoush said...

الصديق العزيز
أحمد الله أنها حازت رضاك
تحياتي وتقديري

Dr. Eyad Harfoush said...

عزيزي المواطن الشقيق
نعم حسبنا الله يا عزيزي، ولكن ما حيلتنا لو كان الله طلب منا أن تكون المبادرة في تحسين الحال منا كي يوفقنا ويدعمنا، لنا الله من قبل ومن بعد
تحياتي وتقديري

Dr. Eyad Harfoush said...

عزيزتي أيوية
فيه خبر سعيد، يهود اشتركوا في وقفة نقابة المحامين الاحتجاجية وهتفوا ضد الصهيونية وضد اسرائيل، في كل مجتمع بشري .. يوجد بشر
تحياتي وتقديري

Dr. Eyad Harfoush said...

عزيزي أستاذ محمد
للأسف لم أشاهد الحلقة، ما هو مضمون تبرير عماد الدين أديب؟
تحياتي وتقديري

dr_zoazoa said...

تحياتى د اياد
كان يبدو الرجل منتقدا للنظام ولكنه فى ذات الوقت مدافعا على الرئيس مبارك متهما الحكومة بسوء التسويق السياسى لمواقف الرئيس موضحا فى سياق حديثه عن الهدف الحقيقى من وراء بناء الجدار فى النقاط التالية
1- ان نسبة ما يدخل غزه من مؤن وبضائع عن طريق مصر لا يمثل الا 5 % وان 95%من احتياجات غزه تتم عن طريق اسرائيل
2- ان مصر كانت تغض بصرها عن تلك الانفاق معلله ذلك ان للنفق جهتين وعلى اسرائيل ان تغلق من جهتها
3- اصبحت الانفاق طريق لادخال ممنوعات الى مصر سواء اسلحة او مخدرات متهما ايران وحماس بالتواطىء لاخلال امن مصر بمثل هذه الافعال
4- ان حماس تفرض ضرائب على مستخدمى هذه الانفاق حيث يكلفهم بناء النفق 200 الف دولار فاصبح مصدر للمال اكثر منه مصدر لرفع المعاناه عن زويهم من الفلسطيين
كان هذا مجمل حديث الرجل فى تلك النقطه ولكن ربما عليك سيدى الحصول على هذا الحوار فالربما تقرء منه ما يصعب عليه سرده
وشكراِ

Dr. Eyad Harfoush said...

عزيزي أستاذ محمد
أشكرك للإيجاز الوافي بمحتوى الحوار وافر الشكر
أما عن دفوع الأستاذ عماد الدين أديب فلا أراها سائغة لما يلي

1- حماس (وأنا لست من المتحمسين لا للإخوان هنا ولا هناك) لل تملك فائضا لوجيستيا أو استراتيجيا يمكنها من الانشغال بغيرها اليوم
2- أولويات ايران سياسيا وأمنيا تقع في السعودية والعراق، مصر لا تهمها اليوم في قليل أو كثير
3- المخدرات تدخل سيناء من فوق الأرض لا من تحتها كما تشهد به كل ضبطيات المخدرات في السنوات الماضية عدا محاولات متفرقة لاستغلال الانفاق لا تمثل نسبة
4- الجدار ممول من الولايات المتحدة وبأوامر أمريكية مباشرة وفق ما يرد من أخبار، فليس قرارا مصريا حتى تكون مبرراته مصرية
تحياتي وشكري وتقديري