قوم يا "أبو خالد" .. قوم يا وحــــش
شوف في غيابك .. جانا كام جـحـش
باعوا الصــــــــــــــانع ويَّا الـزارع
باعوا كنيســــة و بعـدها جــــــــامع
باعوا المينـــــــا و باعــوا مصـــانع
أجروا ســينا مفــــروش بالعـــــفش
أجروا ســينا مفــــروش بالعـــــفش
***
قوم يا سبع .. و شـــوف أحــــــوالنا
شوف في غيـــابك .. كام ديب جــالنا
الإشتراكية و بطَّلوهالنا
الحرية و حـرَّزوهـالنا
التخشيبة و دستَرُوهالنا
من زمنك كان فاضـــــــــــل ورقة
حتى الــــــــــورقة .. قطعــــوهالنا
***
***
طبخـــــــــــولنا السم ..في فتَّة دين
وجـــــابولنا الشيخ مش عارف مين
قال: الإشـتراكية .. دي كفر مـــبين
وَكَستنا دمـاغ .. مـــــاركس و لينين
هزمــتنا أيام .. سبعة و ســـــــــتين
واحنا مش قلة يا رجــــــــــــــــالة
وجـــــابولنا الشيخ مش عارف مين
قال: الإشـتراكية .. دي كفر مـــبين
وَكَستنا دمـاغ .. مـــــاركس و لينين
هزمــتنا أيام .. سبعة و ســـــــــتين
واحنا مش قلة يا رجــــــــــــــــالة
ده احنا من جند صـــــــــلاح الدين
و لما سألنا إيه الحــــــــــــــــــل ؟
؟قال لنا: أمـــــيرنا "هباب الــــطين"؟
و لما سألنا إيه الحــــــــــــــــــل ؟
؟قال لنا: أمـــــيرنا "هباب الــــطين"؟
هياخــدنا لعُمـــرة في مانــــــــهاتن
بعدها هنتوب على إيد "روزالـيـن"؟
بعدها هنتوب على إيد "روزالـيـن"؟
***
اتغيرت قبلتنا .. و إتــــدورت الأيــــام
و آدينا ركعنا لسيادنا و سمـــعنا الكـلام
تبنا عن المعاصي و عن القطاع العـــام
ربينا اللحـــــــية و قصَّـــرنا التـــــوب
لبسنا عقـــــــــولنا قميـــــص الاكمـــام
لبسنا عقـــــــــولنا قميـــــص الاكمـــام
وظفنا فلوســـنا في عب شيوخــــــــــنا
توظيف اسلامـــي في لندن و أمستردام
و لا ربا و لا ريبة
و لا بنك و خــــيبة
نصبوا علينا باسم الله و اسم الإســـــلام
عوِّمـنا جــــــــنيهنا في البانيـــــــــــــــو
حتى في البانيــــــــــو .. طب ما عـــام
و مصــــــــانعنا الحــــربية أهي تــابت
عن المــــــــدافع .. و إتطـــورت تمــام
دلوقت بتنتــــــــج .. يا ماشـــــــــــــالله
عن المــــــــدافع .. و إتطـــورت تمــام
دلوقت بتنتــــــــج .. يا ماشـــــــــــــالله
دِش و غسَّـــالة .. و سَخَّان حـــــــــمَّام
ع البحري فتحــــناها تكـــــــــــــــــــية
صــــيني و أمريكي و أي سخــــــــــام
ما هو يا اخــــــواننا .. لما سكـــــــــتنا
على بيع بيتـــنا في قلب حــــــــــــارتنا
على بيع شـــــــــرفنا و كرامـــــــــــتنا
كان لازم .. نتبـــــــــاع قــــــــــــــدام
آخرتها باعونا في ســــــــوق الإتــــنين
و ما حــــــــــدش قالنا .. باعـوا بكــام؟
***
قفـــــــــلنا مصـــــــــانعك .. يا بلادي
آخرتها باعونا في ســــــــوق الإتــــنين
و ما حــــــــــدش قالنا .. باعـوا بكــام؟
***
قفـــــــــلنا مصـــــــــانعك .. يا بلادي
و فتحـــــــــنا بدالــــها.. كنتــــــــاكي
و غســــــــلنا ســــــــينا .. بدم ولادك
علشان نفتحها ماخــــــــــــور لعداكي
و شــفناكي ببتنقــــــــلي وراثــــــــة
و إحنا كمـــــــان ساحــــبينا وراكــي
ورث بيتقســـــــــــم .. تمن و نصــين
بقيتي وسية .. و بقينا عبيــــد جـواكي
الدســـــــــــــــتور ماعجــبش الريس
عملوا له دســــــــــــــــــــتور ملاكي
و إحــــنا ولادك .. مش رجــــــــالة
مابنقدرش .. نمــــــوت فــــــــــداكي
مالنـــاش حــــيلة ..غير بننـــــــــادي
على الفارس اللي زمان .. وضَّــاكي
عارفين .. لا هيسمع و لا هيجــاوب
لا هيطلع من تربة و لا يلبس الكاكي
بننادي م القهــــــرة على المـــــــيت
لما ضاقت بالحي أرضك و سماكي
كلمة يا بلـــدي ف كل الكـــــــــــون
معروفة .. و كمـــان جـــــــــــواكي
طول ما ولادك ربٌّوا قـــــــــــــرون
لازم يا بلــــــــدنا هتت .. حــــــاكي
لازم يا بلــــــــدنا هتت .. حــــــاكي
10 comments:
كلام جميل اوي با د \ اياد ياريت يوصل لحد يفهمه و يحس بيه
و للاسف كله صح و بيحصل
بنتسرق باسم الدين و نتذل باسم الوطن
ياريت نقدر نغير ده و يبقي في ناصر جوا كل واحد فينا
رغم انها بالعامية لكنها جميلة حقا
تحياتى لك
قصيدة رائعة يدكتور
عبد الناصر كان فلته من فلتات الزمان
خلى مصر اكثر دول العالم تصنيعا فى عشرة سنين بس
دلوقت مااكثر مصانع اللبان والشيبس
خلينى اقول معاك:
شوف فى غيابك جانا كم جحش
تحياتى
أخى العزيز
عبد الناصر مات و السادات مات و مبارك مصيره هو و من قد يليه للموت, و للمرة الثانية سوف استعير كلامك, الأستمرار على منهج معين أقتصادى و سياسى هو المهم كما و ذكرت زى الصين, و نظام مسح انجازات رئيس سابق بالأستيكه و البداية من أول وجديد مش صح, لو أكملنا انجازات عبد الناصر الصناعية و الأنتاجية و أسلوب الحياة الذى يتناسب مع شعبنا كان يبقى أحسن, و لكن حتى تكون هناك مسيرة محددة و دستور فعلى لشعب, يلزم حاجتين, الأول أن يكون الشعب واعى و ممثل ببرلمان حقيقى مش شلة منتفعين و أفاقين, الثانى أن يحاسب الرئيس و كل وزير من قبل الشعب ممثلا فى برلمانه على التزامه من عدمه, طبعا الكلام ده مش جديد, الجديد هو أنه كفاية بقى انتظار للمهدى المنتظر الذى سيحى موات الأمة, الناس هى اللى لازم تصحى بقى و تبطل تخاف, صلاح الدين مات و مش هيرجع تانى علشان يحرر القدس ماهو حررها مرة هى شغلانة, عبد الناصر مات و مش هيرجع تانى بثورة 1952 لأن 1952 مرت فى تاريخنا خلاص, احنا مش محتاجين زعيم احنا محتاجين أمة
الأحداث اللى سماها السادات انتفاضة حرامية قامت من الشعب علشان زيادة بسيطة فى اسعار السلع الأساسية, راح فين الشعب ده, ثورة يوليو قامت علشان أسباب أقل فى الكيف و الكم بعشرات المرات مما يحدث الأن
لو مات عبد الناصر فكل منكم عبد الناصر,كان حسن الظن قوى بالشعب, و التانى يقولك أنا أخر الفراعنة رغم انه كان ناوى يبيع هضبةالأهرام, و بما انه أخر الفراعنة يبقى احنا كده بالتقريب فى زمن كليوبترا
أخوك هيثم حرفوش
الزيادة اللي حاصلة مش منطقية
وسببها قرار سياسي ودا محيرني
فيه حاجة بتحصل
تحياتي
عزيزتي emy
ممكن يكون فيه ناصر جوا كل واحد فينا لو كلنا آمنا، ان الفرد علشان يكون سعيد لازم يعيش في مجتمع صحي، مش كفاية أكون مرتاح ماديا و انا في مجتمع يؤلمني احواله، ساعتها هانكون كلنا ناصر
عزيزي human
شكرا لتقديرك، انا بصفة عامة افضل العامية في شعري الوطني لانها اقرب للعقول و الاذان حاليا بالنسبة للجماهير العريضة من الشعب
تحياتي و تقديري
عزيزي amro
أتفق معك في حجم انجاز جمال عبد الناصر، و اختلف في انه لم ين فلتة، كان رجلا امتلك الايمان الكافي بالوطن ليقوم بثورة و هو اصغر مني عمرا و يفعل كل ما فعل، لنها الهمة و الايمان بمثل اعلى
رحمة الله عليه و على جيله من الكبار
تحياتي و تقديري
أخي الحبيب
عجبتني قوي حكاية عصر كليوباترا دي، بس يمكن الفرق كليوباترا كانت بتنقي شوية، انما دلوقتي احنا بقينا شغالين بغير تمييز :)
متفق معك بالتاكيد في ان مشكلتنا انه لم يحكمنا رجل بعد عبد الناصر مثل دنج بعد ماوتسي تونج، جالنا سوسو بنغمة "عبد الناصر الله يرحمه" و نغمة القطاع العام بيخسر ، و اللي بعده بنغمة ااكلكم منين مانتو كتير
عزيزي alien
فيه حاجة بتحصل انا معاك، لكنها غير محيرة، نحن الان في قمة هيمنة ثالوث السلطة و الكهنوت و راسالمال، و دي بعض من نتايج التحالف، الناس ملهية في رمضان و السجاير تفطر و لا لا، غليلهم كل حاجة علشان ييجوا يفطروا مايلاقوش
تحياتي و تقديري
Post a Comment